Maqsad - ilm-fan va innovatsiyalar sohasida xotin-qizlar uchun teng imkoniyatlarni taʼminlash, ularning ilmiy faoliyatdagi ishtirokini kengaytirish hamda barqaror taraqqiyotga erishishda xotin-qizlarning rolini kuchaytirishdan iborat.Respublikasmizda ham har yili 11-fevral – Ilm-fan sohasidagi ayollar va qizlar xalqaro kuni keng nishonlanib kelinmoqda. Joriy yilda ham sana munosabati bilan Vazirlar Mahkamasining 2026-yil 26-yanvardagi “Ilmli ayol: barqaror jamiyat sari” mavzusida 11-fevral – Ilm-fan sohasidagi ayollar va qizlar xalqaro kuniga bag‘ishlab haftalik o‘tkazish to‘g‘risida 1-son bayoni tasdiqlandi.
Mazkur bayonga muvofiq haftalik doirasida xotin-qizlarning ilm-fan sohasidagi yutuqlarini targ‘ib qilish, yosh qizlarni ilmiy faoliyatga keng jalb etish, gender tenglikni taʼminlash hamda ilm-fanda xotin-qizlar ulushini oshirishga qaratilgan tashabbuslarni amalga oshirish ko‘zda tutilmoqda.
Shu munosabat bilan mazkur xalqaro sanaga bag‘ishlangan tadbirlarni yuqori saviyada tashkil etish, ilm-fan sohasida xotin-qizlarni qo‘llab-quvvatlashga qaratilgan taklif va tashabbuslarni ilgari surish maqsadida “Oʻzbekiston temir yoʻllari” aktsionerlik jamiyati “Temiryoʻl infratuzilma” aktsiyanerlik jamiyati Qoʻngʻirot mintaqaviy temir yoʻl uzeliga qarashli Urganch lokomotiv depo filialida seminar-trening tashkil qilindi.
Seminar-treningni pedagogika fanlari bo‘yicha falsafa doktori, RANCH texnologiyalar universiteti dotsenti Raximova Intizor Rustamovna va Urganch tumani hokimining ma’naviyat va davlat tili masalalari bo‘yicha maslahatchisi Ramanova Shahlo Shukurulloyevnalar olib borishdi.
